Ar ddydd Gwener, 14 Tachwedd, bydd Eu Mawrhydi'r Brenin a'r Frenhines yn ymweld â Chastell Cyfarthfa i gwrdd ag aelodau o'r gymuned leol, busnesau a ffigurau diwylliannol adnabyddus Cymru, i ddathlu pen-blwydd Ei Mawrhydi yn 77 oed.
Wedi'i adeiladu ym 1825 gan y Meistr Haearn Williams Crawshay II, cyfeirir at Gastell Cyfarthfa yn aml fel trysor pennaf Merthyr, ac mae'r ymweliad hwn yn un o uchafbwyntiau'r flwyddyn wych o ddathlu i nodi ei deucanmlwyddiant.
Dywedodd y Cynghorydd Brent Carter, Arweinydd Cyngor Bwrdeistref Sirol Merthyr Tudful: "Mae'n fraint ac anrhydedd mawr croesawu'r Brenin Siarl III a'r Frenhines Camilla i Ferthyr Tudful. Rydym yn arbennig o gyffrous am y dathliad dwbl hwn, nid yn unig gyda Chastell Cyfarthfa yn nodi ei 200fed flwyddyn, ond gyda'r Brenin yn dathlu ei ben-blwydd ar ddiwrnod yr ymweliad.”
Gwahoddir aelodau o'r cyhoedd i flaen Castell Cyfarthfa o ganol dydd ar ddydd Gwener 14 Tachwedd i groesawu'r Brenin a'r Frenhines wrth iddynt ymweld â'r castell.
Bydd Amgueddfa Castell Cyfarthfa ar gau i'r cyhoedd ddydd Gwener 14 Tachwedd.
Bydd Parc Cyfarthfa ar gau i gerbydau ddydd Gwener tan ar ôl yr ymweliad, gyda mynediad i gerddwyr ar gael trwy'r brif giât.