Cymuned

Cymuned yng Nghyfarthfa

Mae haelioni pobl Merthyr Tudful a’u hymdeimlad cryf o gymuned yn rhan allweddol o hanes y sir ac mae’n rhan annatod o’r datblygiadau i Gyfarthfa.

Chwaraeodd cymuned Merthyr Tudful rôl allweddol wrth lywio’r byd modern.

Mae cymuned yn hanfodol i’r gwaith sy’n cael ei wneud gan Sefydliad Cyfarthfa ac mae’n rhaid i bobl leol, sefydliadau a phartneriaid gael eu cynnwys ar bob cam o’r gwaith o ddatblygu’r cynllun. Bydd y gwaith o ddatblygu Castell a Pharc Cyfarthfa yn annog twf economaidd cynaliadwy ar gyfer yr ardal, ac yn darparu lle meithringar i ddathlu hanes y gymuned a chyrchfan gyffrous i bobl Merthyr a thu hwnt.

Addysg

Ar hyn o bryd, mae Sefydliad Cyfarthfa yn gweithio mewn partneriaeth â Merthyr’s Roots a’r Tîm Addysg yn Amgueddfa ac Oriel Gelf Castell Cyfarthfa i ddarparu gweithdai addysgol i ysgolion cynradd. Mae’r gweithdai hyn yn dangos sut y cafodd Cyfarthfa ei llywio gan bobl Merthyr a chan y byd naturiol ac maent yn pwysleisio pwysigrwydd Cyfarthfa i Gymru a thu hwnt.

Darganfod Cyfarthfa

Mae Castell a Pharc Cyfarthfa yn fwy nag amgueddfa ac oriel gelf yn barod, gyda bron i 500,000 o bobl yn ymweld â’r safle bob blwyddyn, ond ein nod fydd cynyddu’r nifer hwn yn sylweddol iawn dros amser.

Cyfarthfa200

Yn 2025, bydd Castell Cyfarthfa yn dathlu ei daucanmlwyddiant. Yn ystod y flwyddyn cynhelir rhaglen o ddigwyddiadau ac arddangosfeydd hwyliog, cyffrous ac addysgiadol. Cliciwch yma i weld mwy.